Унгарскиот министер за животна средина Ласло Гајдош денес изјави дека владата прогласила вонредна состојба поради сериозен недостиг на вода предизвикан од сушата.
Гајдош во објава на Фејсбук изјави дека индексот на суша во 66 од 84-те области за управување со водите во Унгарија ги надминал праговите дефинирани со прописите, што довело до воведување на итни мерки, објави МТИ.
Според него, експертите од Дирекцијата за управување со водите ќе спроведат посебни мерки за заштита и управување со водните ресурси во 74 проценти од земјата за ублажување на ефектите од сушата.