Земјотрес со интензитет од 5,3 степени според Рихтеровата скала денеска е регистриран во северниот дел на Авганистан. Земјотресот беше почувствуван и во Кабул и во соседен Пакистан.
Нема информации за евентуално повредени луѓе и причинета материјална штета.
Геофизичкиот институт на САД соопшти дека земјотресот бил 35 километри југоисточно од Џарм во Авганистан, во ретко населениот регион Хиндукуш. Епицентарот на земјотресот бил на длабочина од 192 километри.
Регионот во октомври беше погоден од земјотрес со интензитет од 7,5 степени при што загинаа околу 400 луѓе. Земјотресот предизвика значителна материјална штета во северозападен Пакистан.