Земјотрес со интензитет од 5,4 степени според Рихтеровата скала го погоди перуанскиот главен град Лима, предизвикувајќи паника кај населението, соопшти перуанскиот Геофизички институт.
Епицентарот на земјотресот бил во Тихиот Океан на 64 километри југозападно од Лима, со жариште на длабочина од 38 километри под океанското дно.
Нема информации за евентуални настрадани лица и за причинета материјална штета.
Според перуанските власти, не се очекува појава на цунами.