Украинското герилско движење „Атеш“, кое дејствува на Крим, денеска ја презеде одговорноста за палењето на руската воена база, пренесува „Украинска правда“.
„Базата на мобилизираната руска армија во селото Советске на украинскиот Крим гори. Нашите агенти работеа како што се очекуваше. Работевме на овој „проект“ долго време и, се разбира, сè излезе на крај. Ќе продолжиме да ја уништуваме руската армија одвнатре“, изјавија членовите на Атеш на Телеграм.
Тврдат дека има жртви во пожарот во базата и ветија дека ќе го соопштат бројот на жртвите.
„Украинска правда“ наведува дека некои руски медиуми во саботата објавиле дека има пожар во селото Советске, а се зборувало и за загинати војници.
Украинскиот весник додава дека за двајцата загинати војници пишувал прорускиот канал „Кримски“, повикувајќи се на извор од владата на Крим, а по пожарот биле преместени околу 200 војници.