Украинскиот министер за одбрана Олексиј Резников во долга објава на Фејсбук ги пофали војниците, полицајците, медицинскиот персонал, но и цивилите кои земале оружје и тргнале во битка.
„Погледнете околу себе. Многумина конечно го надминаа стравот и се осмелија да го предизвикаат Кремљ“, напиша Резников.
„Каде се сите оние кои ветија дека ќе го освојат Киев за 72 часа? Не ги гледам“, додаде тој.
Тој рече дека иако предизвиците остануваат, луѓето ширум светот внимателно следат и дека „сега е на пат помошта што беше невозможна пред три дена“.
„Без оваа армија и нашиот народ, Европа никогаш нема да биде безбедна. Без нас, Европа едноставно нема да постои“, заклучи тој.
72 hours of resistance! The world didn’t believe. The world doubted. But we did not just stand, we confidently continue to fight with russian occupant!We showed the world – don’t be afraid ??, be strong & repel it! Support of ?? must be more stronger! Your safety depends on us! pic.twitter.com/SlHhv6tGuz
— Oleksii Reznikov (@oleksiireznikov) February 27, 2022
„72 часа отпор! Светот не веруваше. Светот се сомневаше. Но, ние не застанавме туку самоуверено продолжуваме да се бориме против рускиот окупатор! Му покажавме на светот – не плашете се од Русија, бидете силни и отфрлете ја! Поддршката за Украина мора да биде посилна! Вашата безбедност зависи од нас!“, напиша тој на Твитер.