Украинската пратеничка Кира Рудик во интервју за Sky News утринава го коментираше вчерашниот пад на ракета врз село во Полска, при што загинаа две лица. Таа рече дека без оглед на потеклото на ракетата, руската агресија е на крајот виновна за инцидентот.
„Дури и да беше украинска ракета која требаше да пресретне руски ракети, сепак тоа е резултат на обидот да ги заштитиме нашите животи. Повторувам, најдобриот одговор би бил да и се дадат на Украина борбени авиони, исто како напредните системи за противвоздушна одбрана, изјави Рудик.
„Секогаш кога губат на бојното поле, Русите гаѓаат цивилни цели“
Таа го коментираше и вчерашниот масовен руски ракетен напад врз Украина: „Тоа е стратегијата на Русија секогаш кога е на линијата на фронтот. Тие напаѓаат цивилна инфраструктура и цивилни објекти. Тие не гаѓаат воени цели“.