Русија се обидува да ја пренесе сопственоста на нуклеарната централа Запорожје во сопственост на руската енергетска компанија Росатам, изјави првиот човек на украинската компанија за атомска енергија.
Петро Котин денеска за Би-Би-Си изјави дека „Русите се обидуваат да го натераат персоналот да потпише договори за работа во Росатам“.
За потсетување, Украина извести дека руската патрола вчера го привела украинскиот главен директор на нуклеарната централа Запорожје, Ихор Мурашов.
„Претпоставуваме дека се обидуваат да го натераат да го прифати овој потег“, рече Котин.