Претседателот на Русија, Владимир Путин треба да сфати дека е доста – изјави денеска украинскиот премиер Арсениј Јацењук, обвинувајќи го рускиот лидер дека ги снабдува со оружје проруските сили, кои што се наоѓаат на исток на Украина.
-Ништо не очекувам од руската влада. Таа проруските сили ги снабдува со оружје и испрати свои борци. Путин треба да сфати дека е доста. Ова не е конфликт помеѓу Украина и Русија, туку меѓународен-рече тој и додаде дека Русија преминала на темната страна, страната на ѓаволот.
Тој додаде дека Украина е подготвена, истрагата за падот на малеизискиот авион, да им ја препушти на меѓународни партнери на чело со Холандија.
-Во моментов воопшто не се сомневаме дека авионот е урнат. Тоа најверојатно е направено со ракета од ракетниот систем БУК-М1. Јасно е дека со овој систем не можат да управуваат пијани проруски теористи, туку само професионалци-нагласи украинскиот премиер.
Е. Г.