Украина: Русија 2.000 пати го прекрши примирјето

Од:

Украинскиот претседател Володимир Зеленски ја обвини Русија дека го прекршила Велигденскиот прекин на огнот повеќе од 2.000 пати, но исто така нагласи дека немало руски воздушен напад во текот на денот.

„Руската армија го прекрши примирјето што го прогласи (Владимир) Путин повеќе од 2.000 пати. Сепак, денеска немаше предупредување за воздушен напад“, рече Зеленски на Телеграм.

Зеленски предложи да се продолжи примирјето за триесет дена кога станува збор за напади со беспилотни летала и ракетни напади врз цивилната инфраструктура.

„Доколку Русија не се согласи на таков чекор, тоа ќе биде доказ дека планира да продолжи со она што уништува човечки животи и ја продолжува војната“, напиша Зеленски на X.

Кремљ претходно објави дека рускиот претседател Владимир Путин не издал наредба за продолжување на велигденскиот прекин на огнот во Украина.

Руското Министерство за одбрана објави дека Украина повеќе од илјада пати го прекршила примирјето.

Би можело да ве интересира

Калас: Путин разбира само притисок

Сијарто: Престанете да се обидувате да нè вовлечете во вашата војна

Стејт департментот одобри продажба на оружје на Украина

Бројот на жртви во Киев се искачи на 23

Ребело де Соуза: Лидерот на најголемата светска суперсила е руски или советски агент

Унгарија ја тужи ЕУ за користење на замрзнатите руски средства за воена помош на Украина

Горан Наумовски