Украинскиот Парламент изгласа воведување на вонредна состојба која стапува на сила од полноќ и ќе трае најмалку 30 дена. Вонредната состојба ќе важи за цела Украина, со исклучок на проруските сепаратистички покраини Доњецк и Луганск.
Тие се во вонредна состојба од 2014 година.
Благодарение на прогласената вонредна состојба, Владата може во било кој момент да прогласи полициски час и да ги проверува личните документи на сите граѓани. Се воведуваат и рестрикции за низа дигитални и радио-комуникациски сервиси, за кои Владата вели дека би можеле дополнително да ги запалат страстите.
Вонредната состојба значи и дека воените резервисти не смеат да ја напуштат земјата.