Извор од украинската разузнавачка служба за Ројтерс изјави дека украинската безбедносна служба и морнарицата во текот на ноќта ја нападнале руската воздухопловна база Саки на Крим и предизвикале „сериозна штета“. Претходно, да потсетиме, руското Министерство за одбрана соопшти дека соборило 19 дронови над Крим и Црното Море.
Украинската јавна телевизија Суспилне објави повеќе детали. На аеродромот во тој момент имало најмалку 12 борбени авиони Су-24 и Су-30, како и системи за противвоздушна одбрана од типот Панцир. На аеродромот имало и база за обука за оператори со дронови.
Токму таквите беспилотни летала ги користат Русите за да ги координираат сопствените воздушни напади, но и за самите т.н. камикази беспилотни летала. Суспилне наведува дека за нападот биле користени беспилотни летала кои прво го преоптовариле рускиот систем за воздушна одбрана, а потоа биле лансирани ракети од типот Нептун.
Овие тврдења не се независно потврдени.