Украина блокира 14 руски телевизиски канали на своите кабловски мрежи со цел да го запре ширењето на руската пропаганда, изјави вчера претставник на украинското Министерство за внатрешни работи Антон Герашченко.
Меѓу забранетите 14 руски канали е и „Раша тудеј“ и „Лајф њуз“ бидејќи емитувале воена пропаганда и насилство.
– Како независна и суверена држава Украина може и треба да го заштити својот медиумски простор од руската агресија, која намерно шири омраза и раздор меѓу укрианските државјани, напиша Герашченко на Фејсбук.
Тој додаде дека Москва во март ги исклучила украинските канали на Крим и оти ниту еден украински канал не може да се гледа на кабловските мрежи во Русија.