Вистинската драма се одвивала денеска во средно училиште во Дрезден кога најверојатно еден од учениците, испуштил гас, сличен на солзавец, што довело до задушување кај децата.
Итната помош и пожарникарите добиле повик, а кога пристигнале на местото на настанот, во дворот имало повеќе од педесет деца. Сите кашлале, се гушеле, а очите речиси им биле крвави.
Повеќе од 30 ученици се пренесени во болница, а на останатите им била укажана помош на лице место.
„Го вклучивме алармот и подготвивме клиники во Дрезден и околината“, изјави портпаролот на противпожарната служба Мајкл Кларе за BILD.
Засега нема информации за сторителите.
Полицијата отвори истрага за нанесување тешки телесни повреди.