Двајца новинари на ирачката телевизија „Шаркија“ денеска се убиени во градот Мосул, во северниот дел од земјата.
Екстремистичките групи, кои се против ирачката Влада, им се заканувале со смрт поради нивното известување за безбедносните сили и официјалните претставници во Мосул, соопшти телевизијата.
Мосул е една од најопасните области во Ирак, каде екстремистите често извршуваат напади и бараат пари од сопствениците на продавници.
Од почетокот на месецов во нападите во Ирак се убиени околу 60 луѓе, а од почетокот на годинава повеќе од 4.750, покажуваат податоците на безбедносните и здравствените служби.