Најмалку четири лица се убиени денеска во судири во либанскиот град Баалбек, откако вооружени мажи отворија оган врз контролен пункт на шиитската група Хезболах, објави телевизијата „Ал Арабија“.
Напаѓачите, најверојатно сунити што ја поддржуваат опозицијата во сириската граѓанска војна, отвориле оган врз контролниот пункт. Борците на Хезболах, кои го поддржуваат режимот во Дамаск, го возвратиле огнот. На двете страни загинале по две лица.
Баалбак се наоѓа во близина на границата со Сирија во Источен Либан, каде се наоѓа база на Хезболах.