Украински официјални лица од регионот на Дњепропетровска соопштија дека во борбите против проруските сили е убиен генерал Сергеј Андрејченко, лидер на руска тајна служба, што според нив е уште еден доказ за рускиот ангажман во украинските судири.
За сега Москва не ги потврди овие информации, а британските медиуми повикувајќи се на извори од Украина, наведуваат дека Андрејченко загинал при судир помеѓу припадници на руска тајна служба и украинска војска во Телманов, град во регион на Доњецка.
Исто така се наведува дека во судирите настрадал и еден војник од Чеченија, за што потврдил и командантот на баталјонот „Днипро 1“, Јуриј Береза.
-Ова не е изненадување, вакво нешто би се случило порано или подоцна со оние кои имаат желба да дојдат во нашата држава и да работат против неа. Ова е само една од многуте операции- рече Береза.
За сега не е познато како развојот на овој настан ќе се одрази на најавената средба на претседателите на Русија и Украина, Владимир Путин и Петро Порошенко, која што е закажана за петок.
Е. Г.