Израелски војници убиле Палестинец кој го сметале за закана за безбедноста, но подоцна било утврдено дека бил невооружен.
Човекот привлекол внимание на војници копајќи земја на страна на Појасот Газа зад утврдената гранична ограда каде вооружени Палестинци во минатото правеле заседи.
– Подоцна се качил на оградата носејќи предмет што војниците не можеле да јасно да го видат, изјави портпаролка на армијата.
Војниците пукале и го убиле, откако игнорирал нивни повици да се врати и истрели за предупредување. Портпаролката не даде други детали за предметот што го носел Палестинецот.
Кај него не било пронајдено никакво оружје, јавија западни медиуми повикувајќи се на воен извор.