Иранските безбедносни сили денеска го приведоа таткото на Махса Амини на годишнината од нејзината смрт, изјави извор близок до семејството на Амини.
Извор близок до семејството го потврди извештајот на норвешката организација за човекови права Hengaw дека Амјад Амини бил уапсен додека го напуштал својот дом во западен Иран. Тој беше ослободен по краток притвор со предупредување да не ја одбележува годишнината од нејзината смрт.
„Безбедносните сили денеска го уапсија Амјад Амини и го вратија во неговиот дом откако му се заканија дека нема да ја одбележува годишнината од смртта на неговата ќерка“, соопшти Курдистанската мрежа за човекови права.
Смртта на Махса Амини во полициски притвор пред една година предизвика неколкумесечни антивладини протести кои се претворија во најсилната реакција на опозицијата во последните години.