На Велика Британија им остануваат уште десет дена за да ги исполни обврските во сите три области кои се однесуваат на излезот од ЕУ, доколку Лондон сака да почне преговори за преодниот период по Брегизт, изјави претседателот на Европскиот совет, Доналд Туск.
– Мораме да видиме напредок на Британија во рок од десет дена по сите прашања, вклучувајќи го и прашањето за Ирска, напиша Туск вечерва на Твитер, по состанокот со британската премиерка Тереза Меј во Брисел.
Според него можен е напредок во преговорите за Брегзит на состанокот во декември, но дека сепак е голем предизвик.
Официјален претставник на ЕУ изјави дека Меј за време на едночасовниот разговор со Туск се согласила дека 4 декември е „апсолутно краен рок“ за да се овозможи преговарачот на ЕУ за Брегзит Мишел Барние да препорача премин кон наредната фаза, која се однесува на трговијата и идните односи на ЕУ и Британија.