Туск: ЕУ повеќе не смее да носи никакви одлуки кои би ги зголемиле цените на енергијата

Од:

Премиерот на Полска, која до јули претседава со Европската Унија, Доналд Туск, денеска по разговорот со европските комесари во Гдањск изјави дека во ЕУ не смее да се донесе ниту една одлука која би ја зголемила цената на енергијата, во спротивно конкурентноста на Европа ќе стане обична илузија.

„Сите сме свесни дека нашите активности во заштитата на животната средина и климата не смеат да наметнуваат товар што ќе биде ризичен за европските бизниси и семејства. Не смее да се носат повеќе одлуки во Европа кои би ја зголемиле цената на енергијата. Сите мора да се концентрираме на донесување одлуки чиј непосреден ефект ќе биде да ја поевтини“, рече Туск на заедничката прес-конференција со претседателката на Европската комисија Урсула фон дер Лајен.

Полскиот премиер истакна дека климатските цели отелотворени во Зелениот договор не се менуваат, бидејќи е јасно дека на планетата и е потребна заштита, но дека тоа не може да биде на штета на граѓаните и економијата.

„Во спротивно, нашата конкурентност ќе биде обична илузија“, рече Туск.

Би можело да ве интересира

Излезноста на вториот круг од претседателските избори во Полска е поголема отколку пред пет години

Полска: Излезноста на вториот круг од претседателските избори до 12 часот е 24,83 проценти

Најнеизвесни избори во Полска во последните 30 години

(ВИДЕО) Хорор сцена на трка во Полска – „бмв“ влета во публика, има 15 повредени

А1он

Тесна предност за левичарите пред десничарите на претседателските избори во Полска

Туск: Полска ќе има најсилна армија во регионот, но и најсилна економија