Турскиот Парламент го одобри предлогот со кој се бара продолжување на распоредувањето на војската во Либија за уште 18 месеци.
Додека владејачката Партија на правдата и развојот и Партијата за националистичко движење го поддржаа предлогот, главната Републиканска народна партија и другите опозициски партии гласаа против.
– Либија претставува закана за Турција и целиот регион и доколку продолжат нападите, интересите на Турција во Средоземно Море и Северна Африка ќе бидат засегнати негативно, се наведува во предлогот.
Прекинот на огнот, кој беше договорен во октомври, и политичкиот дијалог во Либија се од големо значење за Турција.
Во рамки на Меморандумот за безбедност и воена соработка, потпишан со Либија, Турција ќе продолжи да придонесува за обука и консултантска поддршка за Либија, се додава во предлогот. На 27 ноември Анкара и Триполи потпишаа пакт за воена соработка, како договор за морските граници во Источен Медитеран.