Најмалку 250 лица беа уапсени денес на големиот протест за први мај во Истанбул, јавуваат медиумите.
Демонстрантите беа уапсени од полицијата додека се обидуваа да стигнат до плоштадот Таксим, кој е симбол на Денот на трудот во градот.
Полицијата реагираше остро против толпата, особено против помладите луѓе кои се собраа и сакаа да го одбележат 1-ви мај со протест.
Турските власти претворија голем дел од централниот плоштад во Истанбул во црвена зона каде што се распоредени околу 10.000 полицајци.
Метро станиците, автобуските постојки, па дури и цели блокови се затворени од безбедносни причини.
Сите патишта до плоштадот се затворени со метални бариери.
И покрај строгите забрани и масовното распоредување на сили, разни групи, вклучувајќи членови на синдикатите и студенти, се обидоа да се соберат на претходно најавените места во центарот на градот.