Турците кои живеат во Холандија од денеска можат да гласаат на референдумот за зголемување на надлежностите на Претседателот на Турција.
Околу 250.000 турски избирачи до недела ќе можат да гласаат на избирачките места во Амстердам, Хаг и Девентер, пренесуваат американските медиуми.
Кампањата на турските официјални лица за овој референдум низ Европа доведе до тензии меѓу повеќе европски земји и Турција, а Ердоган ги обвини Германија и Холандија за користење на „нацистички“ методи.
Турските државјани во шест европски земји до 9 април ќе можат да гласаат за референдумот, што во Турција ќе се одржи на 16 април.