Турција, чија армија е втора по големина во НАТО, е подготвена да распореди сили во Украина „ако е потребно“ за да гарантира мир.
– Прашањето за придонес во мисијата ќе биде оценето со сите заинтересирани страни доколку се смета дека е неопходно за воспоставување регионална стабилност и мир, се вели во соопштението на турското Министерство за одбрана.
По последните настани, се додава, не е можно да се обезбеди европска безбедност без учество на Турција.
„Како членка на НАТО и на ОБСЕ, Турција е составен дел од европската безбедносна архитектура со нејзината одбранбена индустрија во развој, нејзината важна улога во решавањето на регионалните кризи и нејзината моќна војска“, се вели во соопштението од Анкара.
