Три лица се убиени во напади во Лас Вегас. Жртвитe се двајца полицајци и еден цивил, а за нападот се одговорни маж и жена, кои, исто така, се пронајдени мртви, јавија американските медиуми.
Напаѓачите прво дошле во пицерија во која ручале двајцата полицајци, при што отвориле оган врз нив од непосредна близина и притоа им нанели смртоносни рани.
Еден од полицајците успеал да испука неколку куршуми пред да почине, но не е познато дали погодил некого од напаѓачите.
Осомничените по нападот побегнале во супермаркетот „Вал-Март“ што се наоѓал во близината, каде убиле уште еден цивил, а потоа следела размена на оган со полицијата.
Според првичните информации, жената го убила мажот по што се самоубила. Полицијата верува дека станува збор за договор.
Мотивот на нападот се уште не е познат.