Најмалку три лица загинаа при антитерористичката операција во белгискиот град Вервие, југоисточно од Брисел, пренесува БТА.
Француските медиуми соопштуваат дека полицијата спроведувала операција против група за која постои сомнение дека е поврзана со тероризам. Очевидци тврдат дека слушнале детонации, како и за престрелка која траела околу 10 минути. Засега не е познато дали жртвите се единствено меѓу осомничените терористи или и меѓу припадниците на специјалните сили.
Наскоро се очекува прес-конференција на белгиското обвинителство, а локалните власти соопштија дека ситуацијата сега е под контрола.