Руската Федерална служба за безбедност (ФСБ) приведе тројца Руси кои планираа терористички напад врз железница по барање на украинските разузнавачки служби, соопшти службата денес.
– Федералната служба за безбедност во Свердловската област приведе тројца руски државјани, родени во 1979, 1981 и 1984 година, кои планирале да запалат објект на транспортна инфраструктура по барање на украинските разузнавачки служби, соопшти ФСБ, пренесе ТАСС.
Приведените доброволно контактираа со украински разузнавачки службеник преку месинџерот Телеграм, од каде добиле задача да извршат терористички напад врз железница, соопштија руските истражители.