Три проектили паднаа во дипломатскиот кварт во Кабул, само неколку часа откако шестмина војници од НАТО загинаа во самоубиствен напад.
Еден од проектилите паднал близу влезот на американската Амбасада, соопшти полицијата. Засега нема информации за жртви или материјална штета.
Експлозиите се случија неколку часа по самоубиствен напад врз воена патрола близу базата Баграм во кое загинаа шест војници на НАТО. Пред една недела беше нападната шпанската амбасада во Кабул.