Три лица починаа во текот на ноќта од студот во Чешка, каде што температурата се спушти до 20 степени под нулата, објавија чешките медиуми.
Жртви на смрзнување се 67-годишен маж од местото Плавех, еден од местото Храдец Кралове, како и 47-годишна жена од Рожнов.
За две од жртвите е утврдено дека се бездомници, изјави портпаролката на полицијата од Либерец Ленка Буришкова.
Метеоролозите од петокот предупредуваат на екстремно ниски температури во текот на викендот, што може да ги загрозат особено старите и болни луѓе како и децата.