Тревога во Израел: Војската „пресретна“ проектил истрелан од Јемен

Од:

Израелската војска вечерва соопшти дека „пресретнала“ проектил истрелан од Јемен, откако во Тел Авив и на бројни локации во централен Израел биле активирани предупредувачките сирени за противвоздушна одбрана.

Војската вели дека проектилот бил пресретнат „пред да навлезе на израелска територија“, но новинарите на АФП во Ерусалим слушнале неколку пригушени детонации.

Ова е шести ракетен напад од Јемен за кој израелската војска тврди дека го пресретнала, откако Израел минатиот вторник го прекрши примирјето со палестинското исламистичко движење Хамас, продолжувајќи со неговото бомбардирање на Појасот Газа.

Набргу по почетокот на војната во Газа, предизвикана од невидениот напад на Хамас врз Израел на 7 октомври 2023 година, јеменските бунтовници Хути, кои изразуваат солидарност со Палестинците и се поддржани од Иран, извршија десетици ракетни напади врз Израел и во Црвеното Море, област од клучно значење за глобалната трговија на Израел, со различни бродови.

Овие напади престанаа со прекинот на огнот кој стапи на сила на 19 јануари, а Хутите, кои ја презедоа одговорноста за продолжувањето на нападите врз Израел, ветија дека ќе ги интензивираат нападите се додека Израел продолжи со нападите врз Газа.

Би можело да ве интересира

Израел нема да биде воодушевен од барањата на Хамас

ВИДЕО: Израел со снимки потсетува на нападот на Хамас и почетокот на војната во Газа пред две години

Катерина Ѓуровски

ВИДЕО: Хамас да ги предаде сите заложници, примирјето да почне веднаш, Израел не престанува со безмислосното бомбардирање

Израелците го послушаа Трамп: Армијата доби наредба за Газа, нападите се запрени

(ВИДЕО) Израелците уапсија деца под сомнение дека се шпиони

ВИДЕО: Само уште еден брод од хуманитарната флотила плови кон Газа

Катерина Ѓуровски