Американскиот претседател Доналд Трамп денес изјави дека може да замисли да плати за Гренланд, но нагласи дека вистинската цена не се парите, туку безбедноста – и американската и меѓународната.
„Можев да го видам тоа… Но, постои поголема цена, а тоа е цената на безбедноста, националната безбедност, мислам на меѓународната безбедност.
Тоа е навистина голема цена“, рече Трамп, објави Си-Ен-Ен. Т
рамп нагласи дека стекнувањето на Гренланд ќе ги направи САД и Европа „побезбедни и посилни“.
Данска веќе изјави дека Гренланд не е на продажба, но американскиот претседател нагласи дека е „императив САД да го имаат Гренланд под нивна контрола“. Како што објави Си-Ен-Ен, изјавите на Трамп доаѓаат откако тој ја исклучи можноста за употреба на воена сила за Гренланд порано денес.