Американскиот претседател Доналд Трамп денес изјави дека верува оти Кина ќе почне да ги осудува луѓето на смрт за производство и дистрибуција на фентанил.
Зборувајќи на настан за потпишување на Законот „Стоп на фентанил“, на кој присуствуваа членови на семејствата на луѓето кои починале од предозирање со дрогата, Трамп рече дека вовел царини за Кина „поради фентанилот“, објави Ројтерс.
– Мислам дека ќе го решиме тоа така што Кина на крајот ќе премине на смртна казна за луѓето кои го произведуваат овој фентанил и го испраќаат во нашата земја, рече Трамп.