Претседателот на САД, Доналд Трамп, кој заостанува зад демократскиот кандидат Џо Бајден во анкетите за поддршка пред изборите закажани за 3 ноември, денеска го нарече својот противкандидат „лудак“.
„Тој е забеган со години и тоа го знаат сите“, објави Трамп на Твитер, додавајќи дека „медиумите се чувствуваат непријатно со него, а потоа се обидуваат да го заштитат“.
He’s been a wacko for years, and everyone knows it. The Lamestream Media is stuck with him and they are just now trying to clean up his act. Notice how all of the bad things, like his very low IQ, are no longer reported? Fake News! #MAGA https://t.co/LU2o2m7CSs
— Donald J. Trump (@realDonaldTrump) October 7, 2020
„Сигурно забележавте како негативна страна дека тој (Бајден) има многу слаб коефициент на интелигенција и дека никој никогаш тоа не го спомна! Лажна вест”, напиша американскиот претседател.
Трамп веќе неколку дена објавува голем број невообичаено агресивни пораки на Твитер, а вчера, по три дена поминати во болница поради инфекцијата со коронавирусот, тој твитна: „Медиумите за лажни вести сакаат да зборуваат само за коронавирусот“.
Според последните анкети, на помалку од еден месец пред претседателските избори во САД, 41 процент од граѓаните би гласале за Трамп, а 57 проценти за Бајден.