Кандидатот на Републиканската партија на претстојните претседателски избори во САД, Доналд Трамп денеска ги отфрли обвинувањата дека е опасност за демократијата, велејќи дека минатата недела „примив куршум за демократијата“.
Говорејќи на првиот јавен собир на Републиканската партија откако беше ранет минатата недела, Трамп отфрли и каква било поврзаност со таканаречениот „Проект 2025“.
„Велат дека некои екстремни десничари создале Проект 2025, немам поим што е тоа. Тие велат дека сум опасност за демократијата, а минатата недела примив куршум за тоа“, рече Трамп.