Поранешниот американски претседател Доналд Трамп денеска ја изрази својата поддршка за декриминализацијата на марихуаната, велејќи дека парите на даночните обврзници не треба да се трошат за апсење на луѓе кои ја поседуваат за „лична употреба“.
„Во Флорида, како и многу други држави кои веќе ја одобриле, личната марихуана ќе биде легализирана за возрасни. Тоа ќе зависи од гласачите, без разлика дали тоа некому му се допаѓа или не“, рече Трамп во неговата родна држава, поддржувајќи ја легализацијата на поседувањето и купување до 85 грама марихуана за возрасни лица, постари од 21 година, пренесува Ројтерс.
Сепак, републиканскиот претседателски кандидат рече дека законодавците треба да донесат закони за забрана на употреба на марихуана на јавни места и додаде дека не е во ред некој да се третира како криминалец за поседување марихуана во една држава, а не и во друга држава.