Американскиот претседател Доналд Трамп го повика Мексико да вложи повеќе напори за да го запре новиот миграциски „карван” упатен кон САД и повторно се закани дека ќе ја затвори границата или ќе испрати уште војници.
-Многу голем карван од над 20.000 луѓе тргнал од Мексико, напиша Трамп на Твитер.
Според него, мексиканските власти ја намалиле неговата бројност, но тој продолжува да се движи кон САД.
-Мексико треба да ги задржи останатите или ќе бидеме принудени да затвориме дел од границата и да ја повикаме армијата, изјави Трамп.
Американскиот претседател смета дека Мексико не прави доволно за да ги задржи и да ги врати мигрантите.
Тој, како што рече, „мексикански војници неодамна извадиле оружје против Американци од Националната гарда. Според него инцидентот најверојатно е „тактика за пренасочување на вниманието од нарко-дилери”.
-Подобро е повеќе да не се повтори. Сега испраќаме вооружени војници на границата, изјави Трамп.