Трамп постави услов до Украина: Вие на нас ретки метали, а ние ќе ве помагаме

Од:

Американскиот претседател Доналд Трамп бара Украина да ги снабдува САД со ретки метали како услов за помош на земјата разорена од војна, објави новинската агенција АФП.

„Сакаме да склучиме договор со Украина, каде што тие ќе го обезбедат она што ќе им го дадеме со нашите ретки метали и други работи“, им рече Трамп на новинарите во Овалната соба.

„Украина ја изрази својата подготвеност да соработува во снабдувањето со основни материјали. Многу сектори се потпираат на нив“, додаде тој.

Тој не прецизираше какви материјали бара Вашингтон од Киев.

Трамп, кој ја презеде функцијата на 20 јануари, вети дека брзо ќе стави крај на војната меѓу Русија и Украина, но не објасни како планира да го постигне тоа. Неговите соработници сугерираат дека преговорите би можеле да траат со месеци.

Трамп изрази подготвеност да разговара со Путин за завршување на војната, што е во спротивност со политиката на поранешниот демократски претседател Џо Бајден, кој избегнуваше контакт со рускиот лидер.

Изборната победа на Трамп во ноември ги зголеми надежите за дипломатско решение за ставање крај на руската инвазија на Украина, која започна во февруари 2022 година. Но, во Киев постои загриженост дека брзиот мировен договор може скапо да ја чини Украина.

Би можело да ве интересира

Трамп: Најголем договор досега

(ВИДЕО) Украинците со дронови го нападнаа Санкт Петербург каде гостин беше Путин

Горан Наумовски

Трамп: САД и ЕУ имаат добри шанси да постигнат трговски договор

Речиси 100 украински дронови соборени над руски региони

Зеленски ги повикува европските партнери да помогнат во плаќањето на украинските војници

Русите имаат ново оружје: Ова е „ѕвер“ што ги тресе силите