Администрацијата на американскиот претседател Доналд Трамп планира да го отежни тестот за добивање американско државјанство со воведување задолжителен есеј што би им овозможил на службениците широка дискреција при донесувањето одлуки, пишува „Аксиос“.
Според американскиот портал, кој се повикува на извори запознаени со плановите, овој потег доаѓа откако службениците на администрацијата објавија зголемена контрола врз тоа дали кандидатите за државјанство го исполнуваат стандардот за „добар, морален карактер“.
Директорот на Службата за државјанство и имиграција на САД (USCIS), Џозеф Едлоу, за „Аксиос“ изјави дека верува оти администрацијата на поранешниот претседател Џо Бајден ги олабавила стандардите, што довело до поништување на некои претходни одобренија за државјанство.
Едлоу рече дека веќе упатил неколку случаи за одземање на државјанството до Министерството за правда, најавувајќи дека ќе упати уште.
Тој, исто така, нагласи дека сегашниот тест за државјанство е премногу лесен за положување.
„На крајот на краиштата, она што би сакал да го видам е премин кон стандардизиран тест каде што кандидатот оди во центар за тестирање, одговара на прашања и добиваме претстава дали разбира што се случува“, рече Едлоу.
Едлоу, исто така, рече дека би сакал да види прашања на тестот, или есејот, за „што значи да се биде Американец“, „кој бил вашиот омилен татко-основач“ или „нешто што ќе ја покаже вашата посветеност на Уставот на САД“.
Адвокатите за имиграција тврдат дека овие промени, како што се есејот или исполнувањето на критериумите за „добар, морален карактер“, додаваат поголема дискреција и произволност во процесот на државјанство, што би можело да доведе до зголемување на тужбите против USCIS во случаи на одбиени барања за државјанство,