Иранската државна телевизија ја цитираше Здружената воена команда на земјата дека два хеликоптери „Блек Хок“ и еден воен транспортен авион Ц-130 биле соборени во градот Исфахан.
Во соопштението се вели дека леталата биле вклучени во „неуспешна операција за спасување на американски пилот“.
Државната телевизија прикажа фотографии од авионот, како и снимки од столб од темен чад што се издига од пустинската област.
Пилотот исчезна во петокот кога Иран собори американски авион Ф-15Е Страјк Игл. Американскиот претседател Доналд Трамп утрово објави дека пилотот е спасен.
Другиот член на екипажот беше извлечен на безбедно место претходно.
Централната команда на САД не одговори веднаш на прашањата за авионот.