Американскиот претседател Доналд Трамп денес го нарече израелскиот премиер Бенјамин Нетанјаху одличен партнер, објави Си-Ен-Ен.
– Биби Нетанјаху е одличен партнер за мене. Не толку одличен за другите луѓе, но многу одличен за мене, им рече Трамп на новинарите во Овалната соба на Белата куќа.
Зборувајќи за војната меѓу САД и Израел против Иран, Трамп рече дека на Израел му „им биле потребни“ Соединетите Држави.
„Тие не можеа да го сторат тоа без нас, дури ни блиску, и им бевме потребни и ја добија нашата помош за вистински проблем, бидејќи Иран е вистински проблем“, рече Трамп, велејќи дека има добри односи со Нетанјаху, и покрај повремените разлики околу темпото и обемот на воените операции.
