Американскиот претседател Доналд Трамп денес изјави дека САД можеби нема да постигнат мировен договор со Иран доколку арапските земји не ги нормализираат односите со Израел.
– Тие ни го должат тоа, рече Трамп на состанокот на кабинетот во Белата куќа, осврнувајќи се на арапските земји кои не го потпишале договорот, додавајќи дека нивното пристапување би било „историско“, објави Скај њуз.
Неговиот претставник Стив Виткоф нагласи дека „интензивно работи на разговори со сите страни“ за ова.
„Не сум сигурен дека треба да постигнеме договор ако тие не го потпишат“, одговори Трамп.
Претседателот на САД не коментираше дали договорот со Иран ќе биде условен од тоа дали другите земји треба да се приклучат кон Абрахамовите договори.
Абрахамовите договори, постигнати за време на првиот мандат на Трамп, ги нормализираа односите меѓу арапските потписници и Израел, потсетува Скај њуз.
Досега, само Обединетите Арапски Емирати, Бахреин, Мароко и Судан го потпишаа договорот.