Трамп: Навални не требаше да се врати во Русија

Од:

Поранешниот американски претседател Доналд Трамп изјави дека смета дека починатиот руски опозициски лидер Алексеј Навални бил храбар, но дека не требало да се врати во Русија.

„Навални беше многу храбар. Можеше да остане надвор од земјата. Искрено, веројатно ќе беше многу подобро ако се држеше настрана и зборуваше надвор од земјата наместо да се врати, бидејќи луѓето мислеа дека тоа може да се случи и се случи. И тоа е страшна работа“, рече Трамп.

Трамп додаде дека ситуација слична на Русија се случува и во САД и дека се соочува со кривично гонење, иако е водечки кандидат за претседателска номинација на Републиканската партија, пренесува Ројтерс.

Доналд Трамп претходно изјави дека смртта на Алексеј Навални „го освести“ што се случува во САД, но никому директно не ја препиша одговорноста за смртта на рускиот опозиционер.

И покрај тоа што американскиот претседател Џозеф Бајден и другите поранешни претседатели, како и највисоките членови на американскиот Конгрес директно го обвинија рускиот претседател Владимир Путин за смртта на Навални во затвор во северна Русија, Трамп не го стори тоа.

Би можело да ве интересира

Започнува судењето на Трамп, првото судење на американски претседател во историјата

Навални пред смртта напишал автобиографија

Планот на Трамп за Украина ќе започне со притисок врз Москва и Киев да преговараат

Горан Наумовски

Трамп: Врховниот суд на Аризона отиде предалеку со својата одлука за абортус

Рокот за прелиминарната истрага за смртта на Навални е продолжен

„Вашингтон пост“: Трамп би извршил притисок врз Украина да се откаже од Крим и Донбас