Кога новинарите го прашаа дали е спремен да му понуди на рускиот претседател Владимир Путин пристап до минерали од ретки земји за да се стави крај на војната во Украина, Трамп рече дека неговата средба со Путин утре е голема, важна средба што на крајот ќе спаси многу животи.
Продолжувајќи да одговара на прашањето, Трамп рече дека поважна средба од утре би била втората, на која ќе учествуваат Путин, Зеленски, тој самиот и, можеби, европските лидери.
Ќе видиме дали ќе се сложуваат“, рече тој за двајцата завојувани лидери, додавајќи дека верува дека можат да постигнат мир.
Кога повторно беше прашан дали утрешниот самит меѓу САД и Русија „и другите стимулации за мир“ би можеле погрешно да се протолкуваат како награда за Путин и „другите идни агресори“, американскиот претседател рече дека не се согласува со идејата дека ваквите средби се „награди“.
Потоа рече дека војната никогаш не требало да се случи и повтори – како што направи и претходно – дека немаше да се случи ако тој останеше претседател во 2020 година.
Враќајќи се на самитот во Алјаска, Трамп повтори дека неговата цел утре е да ги постави темелите за можна втора средба меѓу Путин и Зеленски.
Потоа ја заврши сесијата со прашања и одговори, а на новинарите им беше кажано да ја напуштат Овалната соба.
„Ќе видиме во првите неколку минути каде се наоѓаме и дали средбата ќе биде добра или лоша. Ако средбата е добра, ќе ни донесе мир во иднина. Ако е лоша, ќе заврши многу брзо“, рече Трамп на крајот од своето обраќање во Белата куќа.