Американскиот претседател Доналд Трамп денес изјави дека Иран е воено поразен и повторно остро ги критикуваше демократите, како и поранешните претседатели Барак Обама и Џозеф Бајден, велејќи дека тие воделе слаба политика кон Техеран.
„Будалите од радикалната левица и „дaмократите“ (навредлив термин за демократите) сфаќаат колку успешно ја водевме нашата војна против Иран, додека нивната земја е целосно воено поразена“, напиша тој на својата мрежа Truth Social.
Трамп рече дека поранешниот американски претседател Барак Обама им дал само милијарди долари во готово и никогаш не ја користел тогаш ослабената американска војска за да го направи она што било потребно за да се сопре Иран, најголемиот државен спонзор на тероризмот во светот.