Американскиот претседател Доналд Трамп денеска повтори дека Гренланд „можеби“ да биде дел од Соединетите држави во иднина.
Трамп на новинарите по состанокот со официјални лица во неговиот кабинет изјави дека тоа е важно за националната безбедност на САД, пренесе Ројтерс.
Премиерот на Гренланд во заминување Муте Егеде рече дека членовите на неговата привремена влада нема да се сретнат со американска делегација која планира да ја посети американската воена база на островот оваа недела.
Егеде рече дека на Вашингтон му било кажано дека нема да има „преговори“ додека тој е на чело на привремената влада и додека не се формира нова влада на Гренланд по општите избори одржани на 11 март.
Јенс-Фредерик Нилсен, веројатниот иден премиер на Гренланд и лидер на Демократите, централнодесничарската партија која победи на изборите, претходно ги критикуваше изјавите на Трамп за Гренланд како „несоодветни“.