Доналд Трамп денеска го угости претседателот на Ел Салвадор, Најиб Букеле, во Белата куќа, а еден час пред тоа, на својата социјална мрежа уште еднаш упати обвинувања против Володимир Зеленски и Џо Бајден, дека тие ја започнале војната.
– Војната меѓу Русија и Украина е војна на Бајден, а не моја. Штотуку пристигнав и во текот на четирите години на функцијата немаше никакви проблеми да го спречи тоа да се случи. Претседателот Путин и сите други го почитуваа вашиот претседател! НЕМАМ НИКАКВА ВРСКА СО ОВАА ВОЈНА, НО РАБОТАМ НАПОРНО ДА СЕ ЗАПРЕ СМРТТА И УНИШТУВАЊЕТО. Ако претседателските избори во 2020 година не беа НАМЕСТЕНИ – а беа, на толку многу начини – таа страшна војна никогаш немаше да се случи. Претседателот Зеленски и „Гнилиот Џо Бајден“ направија апсолутно ужасна работа што дозволија да започне оваа трагедија. Имаше толку многу начини да се спречи тоа воопшто да започне. Но, тоа е минато. Сега треба да го запреме, И БРЗО. ТОЛКУ ТАЖНО! – напиша Трамп.