Седумгодишно дете застрела и уби петгодишно дете, негово другарче во дом во источен Кентаки, а прелиминарната истрага утврдила дека пукањето било несреќен случај, соопшти денеска државната полиција.
Преземени се мерки за спасување на детето, но судскиот вештак во округот Џексон констатирал смрт на местото на настанот.
Според полицијата, истрагата продолжува, а засега не се соопштуваат имињата на инволвираните во инцидентот, пренесува Асошиејтед прес.
Досега оваа година имало повеќе од 150 ненамерни пукања од деца во САД, што резултирало со најмалку 58 смртни случаи и 101 повреден.
Кентаки нема закон кој наметнува казни за оние кои нема да обезбедат или оставаат огнено оружје без надзор.
Меѓутоа, таа сојузна држава забранува секој „намерно, свесно или непромислено“ да дава пиштол на малолетно лице, освен ако малолетникот е законски овластен да поседува пиштол.