Јапонската влада денеска објави нови санкции кон Русија поради ситуацијата во Украина. Тие предвидуваат времен прекин на издавањето визи за 23 претставници на официјалните структури на Руската федерација и други лица.
Санкциите се воведуваат во рамките на колективната одлука, донесена од шефовите на седумте економски најразвиени земји.
На 18 март Јапонија воведе прв пакет санкции кон Русија поради позицијата на Москва за Крим.
Санкциите тогаш предвидуваа прекин на преговорите за склучување на безвизен режим и замрзнување на почетокот на преговорите за евентуално склучување на три договори, пренесува ИТАР-ТАСС.