Британскиот тинејџер Џегер Стренг, кој се закануваше дека ќе нападне училиште со експлозиви, е осуден на 3 години и 11 месеци затвор за поседување експлозиви и упатување закани.
Стренга, кој имаше 17 години во времето на злосторствата, беше пријавен во полиција од страна на раководството на колеџот Стафорд во септември минатата година, откако им кажа на тројца соученици дека планира да детонира бомба во училиштето и потврди дека поседува голем број оружја, објавува Скај њуз.
Тој денес беше осуден од суд во Бирмингем на 3 години и 11 месеци, кои ќе ги помине во институција за малолетни престапници.