Јеменските бунтовници Хути се подготвуваат да го затворат теснецот Баб ел-Мандеб, во координација со Иран, во обид да го зголемат притисокот врз глобалната економија и администрацијата на американскиот претседател Доналд Трамп, објави денес британскиот весник „Телеграф“, повикувајќи се на извори.
Според весникот, планот вклучува воспоставување контрола врз двете страни од теснецот Баб ел-Мандеб, еден од најважните поморски премини во светот, при што Хутите наводно соработуваат со сомалиската милитантна група Ал-Шабаб.
Изворот изјави за „Телеграф“ дека Иран се обидува да воспостави контрола врз „другата страна на Црвеното Море“ и да создаде ситуација слична на онаа што тврди дека ја има во Ормутскиот теснец.